Son illər qadınların ən böyük probleminə çevrilən şişmanlıq ev xanımlarını ictimai işlərdə çalışanlara nisbətdə daha çox təhdid edir. Hər üç evdar qadından biri artıq piydən əziyyət çəkir. Türkiyəli mütəxəssislər tərəfindən yaşları 15 - 49 arasında olan 676 ev qadını üzərində aparılan araşdırma nəticəsində bu qənaətə gəlinib. Mütəxəssislər evdar xanımlarda daha çox rast gəlinən şişmanlığı yemək mədəniyyəti, hərəkətsizlik və idmana olan meylliliyin olmaması ilə izah edirlər.
   
    Boşanan qadınlar daha çox xəstələnirABŞ mütəxəssisləri boşanan qadınların ailəli qadınlara nisbətdə daha çox xəstələndiklərini aşkar edib. 10 il ərzində 416 qadın üzərində aparılan araşdırma zamanı ailəsi dağılan qadınların ilk 2 ildə psixoloji problemlərdən əziyyət çəkdikləri məlum olub. O da aşkarlanıb ki, bu müddət ərzində belə xanımlar soyuqdəymədən bədxassəli şişə qədər 46 çeşid xəstəliyə yoluxurlar.

Yazdı : Lalə (525ci qəzet)