Məşhur müğənni Madonna rejissor qismində debüt etmək niyyətindədir.
 O, 1960-cı illərdə çəki dərəcəsindən asılı olmayaraq dünyanın ən güclü boksçularından biri, yarımorta və orta çəkidə dəfələrlə dünya çempionu olmuş Emil Qriffitin həyatına həsr olunacaq film çəkmək istəyir.
İşçi adı "Blade To The Heart" olan filmdə 1962-ci ildə Qriffitin kubalı Benni Pareyə qarşı üçüncü döyüşündən, o məşum çarpışmadan da söhbət açılacaq.
Xatırladaq ki, həmin döyüşdə aldığı nokaut nəticəsində Pare komaya düşmüş, on gün sonra özünə gəlmədən dünyasını dəyişmişdi. Boksçunun ölümü çox böyük qalmaqala səbəb olmuşdu. Nədən ki, döyüş ABŞ-ın aparıcı telekanallarından biri ilə translyasiya olunurdu.
Bundan başqa, filmdə əfsanəvi Qriffitin "mavi" olduğu da vurğulanacaq.
14 il əvvəl sevimli barlarının birinin qarşısında vəhşicəsinə döyülən və hələ də o zərbələrin acısını çəkən Qriffit iki il əvvəl müsahibələrindən birini demişdi: "Bəzən gey-klublara baş çəkirəm. İnsanlar istədiklərini fikirləşə bilərlər".

Mənbə: Express