Hamıdan yaxşı Kayli geyinir
8.01.2007 Yazını böyüt :
Kayli yeni üslubda 2006-cı ilin mart ayından geyinməyə başlayıb
Qlamur dərgisi pop ulduzu Kayli Minoqu ən yaxşı geyinən qadın müğənni adlandırıb.
38 yaşlı Kayli bu ada yeni və məharətli üslubuna görə layiq görülüb. O bir neçə ay döş xərçəngindən müalicə olunub.
Müalicədən sonra səhnəyə qayıdan Minoq Paris üslubunda şik geyinməyinə görə seçilir.
Dərginin yazarlarından biri deyir ki, Kayli cazibədar olsa da, bunu qızılı rəngdə açıq-saçıq paltar geyinməklə nümayiş etdirmir.
Siyahıda ikinci yerdə futbolçu Devid Bekamın xanımı Viktoriya gəlir. O, qorxmadan yeni üslublara əl atmağa görə seçilib.
Dəb üzrə siyahıya salınanlar arasında Gven Stefani və aktrisa Sienna Miller də var.
Ən pis geyinən qadın ulduzlar siyahısına isə futbolçu Stiven Cerardın rəfiqəsi Aleks Karran, müğənni Beyonse və Britney Spiers də salınıblar.
Mənbə: BBC
© Bütün hüquqlar qorunur. Xəbərlərdən istifadə edərkən Xazar.com saytına hiper linklə istinad zəruridir.

