Arzu olunan ideala çatmaq üçün onlar trenajor zallarında uzun saatlar sərf edir və şübhəli tərkibə malik cürbəcür qida əlavələri qəbul edirlər. Amma bu cür həyat tərzi hamıya uyğun deyil. Buna görə də həmin məqsədə nail olmaq üçün ağır fiziki məşqlərə ehtiyac olmayan bir üsul tapılıb. Bu üsul insan beyninin qeyri-adi qabiliyyətlərinə əsaslanır. Əgər insan fiziki məşqlər zamanı bədəninin ayrı-ayrı əzələlərinin gərildiyini xəyalən təsəvvür etsə, beynə bəzi mərkəzləri güclü şəkildə oyadan və əzələlərin tonusuna müsbət təsir edən elektrik impulsları daxil olur. Elektroensefaloqramın göstərdiyinə görə, məşq edənin beyni, beləliklə, daha dəqiq və güclü elektrik siqnalları generasiya edir və bunlar da işləyən əzələləri idarə edir. Artıq belə autotreninqdən bir ay sonra əzələlər 10-15 %  böyüyür. Bir şeyə diqqət etmək lazımdır ki, belə məşqlər də müntəzəm və davamlı olmalıdır. Amma bunu gözüyumulu, evdən çıxmadan, hətta divanda uzanaraq da etmək olar. Belə tədqiqatların aparılmasının əsas səbəbi bu yolla yaşlı, həmçinin azhərəkətli həyat tərzinə malik adamların əzələlərində tonusu saxlamaq ehtimalı olub.