Çirkin ördək balası ekranlara gələcək
24.02.2007 Yazını böyüt :
“Çirkin Ördək Balası və Siçovul” mart ayının 2-də ekranlara çıxacaq. Hans Christian Andersenin dillərə dastan olan nağılı əsas götürülərək yazılmış film senarisində çirkin ördək balası və anası Ratsonun şirin hekayəsi danışılır. Bu Ratso da ağlınıza gələ biləcək ən qəribə personajdı. Əslində ata olmalıdı, lakin o ana rolunu oynayır. Üstəlik o siçovuldur…
Siçovul Ratsonun tək günahı çirkin ördək balası yumurtadan çıxarkən onun yanında olması və bir anlıq özündə ona baxma üçün məsuliyyət hiss etməsidi. Ratso şəhər siçovulları bandasından qaçıb canını qutarır və həyət heyvanlarının yanına sığınaraq onlarla birgə yaşayır. Həyat heç də asan deyil, bütün senarilərdə olduğu kimi filmi maraqlı etmək üçün başqa bir personaj – kukladan əmr alan bir pişiklə onun başı bəladadı. Həm o bütün bu qəribəliklərin içərisində çirkin bir ördək balası böyüdür…
Rejossorlar Michael Hegner, Karsten Kiilerich, senari müəllifi isə Mark Hodkinson olan animasiya film 90 dəqiqə davam edir. Senari və sujet haqda oxuduqda insanda ilk yaranan xoş və sevimli bir təəssurat hissidir. Filmin ekranlara çıxmasına bir müddət qalsa, da biz səbirsizliklə gözləyək…
Yazdı: Babək
© Bütün hüquqlar qorunur. Xəbərlərdən istifadə edərkən Xazar.com saytına hiper linklə istinad zəruridir.

