"Bu şəhərdə"nin sakinlərindən birinin - Rəfael İsgndərovun filmə çəkilməsi ilə bağlı sizlərə məlumat vermişdik.
"Qrinviç otelinin yaxınlığında" adlanan bu filmin çəkilişləri artıq demək olar ki, başa çatıb.
   Qeyd edək ki, dramatik filmdə çəkilən Rəfael İsgəndərov burada baş rolda çıxış edir. Film haqqında çox danışsa maraqsız olacağını bildirən aktyor yalnız onu söylədi ki, daim tamaşaçılar onu satirik, məzəli obrazlarda görməyə adət edib. Özünün dediyi kimi, baxmayaraq ki, İncəsənət İnstitutunun dram aktyorluğunu bitirib, hələ birinci dəfədir ki, o, dramatik obraz yaradır. Öhdəsindən gəldiyi rolu tamaşaçıların ixtiyarına verən Rəfael onu da bildirdi ki, filmdə hadisələr 2010-2012-ci illərdə baş verir. O, burada siyasətlə məşğul olmaq istəyən Qarabağ müharibəsinin veteranıdır.