Münasibətlərin pis olması stres və narahatlığa, eləcə də ürək xəstəliyinə səbəb ola bilər. Əvvəllər keçirilən araşdırma işləri göstərib ki, nigahda olanların səhhəti tək yaşıyanlarınkından yaxşıdır.
9 000 britaniyalı arasında keçirilən araşdırmadan bəlli olur ki, tək yaşamaqdansa sizə uyğun olmayan partnyorla yaşamaq sağlamlığınız üçün xeyirdir.

Pis münasibətlər ürək xəstəliklərini 34% artırmış olur.

Sorğuda iştirak edənlər 1980-ci illərdə yaşadıqları insanla münasibətlərinə dair sorğulara cavab veriblər.

Bundan sonra Londondakı University Kollecin alimləri onların həyatını 12 il ərzində izləyiblər.

1980-ci illərdə 8 499 şəxsin ürəklə bağlı problemi yox idisə, araşdırma işinin sonuna yaxın onların 589-u artıq səhhətindən şikayətlənirdi.

Bu problemlər əsasən ailədə problemləri olanlarda aşkar edilmişdi.

Tədqiqat işinin müəllifləri deyirlər ki, buna səbəb emosional hislərin yükünü daşıyan orqanlara düşən əziyyət ola bilər. Buna həm də hormonal və qandakı dəyişikliklər də səbəb ola bilər.

Britaniyanın Ürək Fondundan Kəti Ross deyir ki, son araşdırma işi bir daha sübut edir ki, emosional və psixoloji dəstək ürək xəstəliklərinin sayını azaltmağa yardım edə bilər.

Mənbə: BBC