Bu gündən etibarən Rusiya kino sənayesinin məhsuluna həftə içi beş gün saat 20.00-da baxa bilərsiniz.

Bu gün saat 20.00-da ANS televiziyasının efirində "Ləğvetmə" tele-serialının nümayişi olacaq. Bu gündən etibarən Rusiya kino sənayesinin məhsuluna həftə içi beş gün saat 20.00-da baxa bilərsiniz. Filmin təkrarı hər gün saat 16.00-da olacaq.

Sergey Ursulyanın rejissorluğu ilə 2007-ci ildə çəkilən filmdə baş rollarda Vladimir Maşkov, Mixail Poreçenkov, Andrey Krasko, Sergey Makoveçkiy, Konstantin Lavronke, Aleksandr Semçev, Svetlana Kryuçkova, Kseniya Rappoport, Lika Niftontova, Polina Aqureyeva və digərləri çəkiliblər.

Serilalın ssenarisi isə belədir: Marşal Jukov çıxılmaz vəziyyətdədir. O, Odessaya sürgün edilib, burada isə oğruların, qatillərin və şantajçıların əlindən yaşayış yoxdur. “Səhra canavarları” quldur dəstəsi isə hərbi bazaları soymağa öyrəşib. Bütün bunların hamısına isə heç kəsin üzdən tanımadığı, ələkeçməz alman casusu "Akademik" başçılıq edir. Və yalnız cinayət axtarışı idarəsinin rəisi Qosman və Jukov şəhəri xilas edə bilərlər. Onlar çətin və təhlükəli əməliyyat hazırlayırlar...



Mənbə: /ANS PRESS/