İsveçli alimlər deyirlər ki, onlar eyni cinsdən olanlara maraq göstərən kişilər və heteroseksual qadınların beyinləri arasında oxşarlıq aşkar ediblər.

Onların araşdırma işi göstərib ki, belə kişilərdə və heteroseksual qadınlarda beynin sağ və sol yarımkürələri eyni ölçüdədir.

Heteroseksual kişilərdə və lezbianlarda isə beynin sağ yarımkürəsi bir qədər böyükdür.

Alimlər deyirlər ki, araşdırma işindən bəlli olub ki, homoseksual kişilər və heteroseksual qadınların beyinlərində emosional reaksiyaya nəzarət edən hissələrdə oxşarlıqlar var.

Buna baxmayaraq, bu tədqiqat işi beynin coğrafiyasının seksual orientasiyaya cavabdehliyini müəyyən edə bilməyib.

Mənbə: BBC