Yeni keçirilmiş tədqiqat kişilərin mayalandırma qabiliyyətinin yaşdan asılı olmaması nəzəriyyəsini sual altına alır.

1200 kişini əhatə edən tədqiqat, kişilərin 35 yaşdan sonra mayalandırma qabiliyyətinin zəifləməyə doğru dəyişdiyini guman etməyə əsas verir. 40 yaşından sonra kişilərin mayalandırmaq qabiliyyəti nəzərəçarpan dərəcədə zəifləyə bilər.

Bu nəticələr Barselonda keçirilən Bioloji Malandırma Qabiliyyətinə həsr olunmuş Konfransda açıqlanıb.

Oturuşmuş konsepsiyaya əsasən, dünyaya uşaq gətirilmək baxımından bioloji saat məfhumu yalnız qadınlara şamil edilir.

Yəni müəyyən yaşdan sonra qadınların bu qabiliyyəti tükənir. Kişilərin isə qocalana mayalandırma qabiliyyətində olduqları düşünülürdü.

Lakin aparılmış son tədqiqatlar sözü gedən konsepsiyaya, deyəsən, düzəlişlərin ediləcəyini labüdləşdirə bilər.

Belə ki, keçirilmiş tədqiqatlar, 35 yaşından sonra kişilərin mayalandırma qabiliyyətinin zəifləməyə başladığını və 40 yaşından sonra bu effektin nəzərəçarpan dərəcəyə çatmasını düşünməyə əsas verir.

Bu nəticəyə alimlər uşağı olmayan 1200 çütü əhatə edən tədqiqatlar gedişində gəliblər.

Araşdırmada partnyorların yaşı nəzərə alınıb.

Tədqiqatçılar kişilərin yaşı ilə cütlərdə uşaqlarının olub-olmamamsı arasında müəyyən asılılığın olduğunu iddia edirlər.

Alimlər güman edir ki, bunun səbəbi, kişi spermasının DNT strukturunda əmələ gələn zədələr ilə əlaqəli ola bilər.

Belə ki, yaşa dolduqca, həmin zədələrin sayı da, artmağa doğru dəyişir.

Zədələrin sayı artdıqca isə, həmin spermanın qadın yumurtalıqlarını mayalandırmaq qabiliyyəti azalır.


Mənbə:  BBC