Meyvə şirələri vitamin və minerallarla zəngin olduğu üçün orqanizm üçün çox faydalıdır.

Xatırladaq ki, marketlərdə satılan bəzi meyvə şirələri vitaminli olsa da, hər halda ondakı vitaminlərin miqdarı təzə meyvələrə nisbətən azdır. Ona görə də meyvə şirəsini özünüzün hazırlamağınız daha məqsədəuyğundur...
 Manqo şirəsi göz və dəri üçün məsləhətdir. Xərçəng xəstəliyinə qarşı qoruyucu xüsusiyyətə malikdir.
 Alma şirəsi orqanizmə enerji verir, tərkibi ürəyi qoruyan flavonoid adlı maddə ilə zəngindir.
 Portağal şirəsindəki C vitamininin üçdə bir hissəsi almada da var. Lakin körpələrin və ya iməkləyən uşaqların mədəsinə mənfi təsir göstərə bilər. Portağal şirəsi immunitet sistemini gücləndirir və qan azlığını aradan qaldırır. Hamilə qadınların portağal şirəsindən yararlanması daha vacibdir.
 Qreypfurt şirəsi də immunitet sistemini gücləndirir, C vitamini ilə zəngindir. Lakin dərman qəbul edərkən ehtiyatlı olmaq lazımdır. Çünki tərkibində xolesterol olan dərmanlarla birlikdə içildikdə orqanizm üçün təhlükə mənbəyinə çevrilə bilər.
 Kivi şirəsi də portağal şirəsi kimi C vitamini ehtiyatına malikdir, infeksiyalarla mübarizədə və dəri qüsurlarının aradan qaldırılmasında faydalıdır.

Yazdı: Yeganə Məmmədova