Fransa Prezidentinin müğənni xanımı xalqın nifrətinə hazırdır

Fransanın birinci ledisi Karla Bruni deyib ki, əgər ictimaiyyət onun kimliyinə görə yeni buraxdığı musiqi albomunu nifrətlə qarşılayacaqsa, o, bunu başa düşməyə çalışacaq.

Prezident Nikola Sarkozinin xanımı, 40 yaşlı Karla Bruni Comme Si De Rien N'Etait (Sanki heç nə baş verməyib) albomunu cümə günü Fransada buraxacaq.

Fransanın Inter radiosuna müsahibəsində o deyib: "Əgər insanlar mən ölkə prezidentinin xanımı olduğum üçün bu alboma qulaq asmayacaqlarsa, mən onları başa düşəcəyəm.

Ancaq o, əlavə edib ki, bu alboma qulaq asanların olmasından o, çox sevinəcək.

Əslən italyan olan müğənni deyib ki, o, öz albomunun təqdimatı üçün turlara çıxmayacaq, və əldə edəcəyi vəsaiti xeyriyyə məqsədlərinə sərf edəcək.

Mənbə: BBC