Dünya şöhrətli Madonna Qay Riççi ilə münasibətləri qorumaq naminəmi, ya öz 50 illik yubileyinə hədiyyə etmək məqsədiyləmi, növbəti "övladlığa götürmə mərasimini" reallaşdırıb. Tezliklə pop-ulduzun övladlığa götürdüyü oğlunun bacısı olacaq. Özü də qızcığazın da oğlan kimi Afrika qitəsindən olacağı söylənilir. Kinorejissorla Madonna arasında uzun müddət sürən qalmaqalı nəhayət ki, həllini tapıb və cütlük ailəni genişləndirmək fikrinə düşüb. Malavidə dünyaya göz açan uşağın ölkədən çıxarılması böyük problemlərlə üzləşib. Uzun sürən çalışmalardan sonra, nəhayət ki, tələb edilən bütün sənədləri toplamaq mümkün olub. İki yaşlı Mersini Malavidən Amerikaya köçürməyə əsas əngəl isə qızın 60 yaşlı nənəsi olub. O, sevimli nəvəsi ilə ayrılmaq istəməyib. Lakin qadını inandırıblar ki, Mersinin 18 yaşı tamam olandan sonra o yenidən vətəninə qayıtmaq hüququ əldə edəcək. Nənə o vaxta qədər sağ qalmayacağını desə də, hər halda nəvəsinin daha firavan yaşamasına razılıq verib.



Mənbə: Həftə içi