Xazar.name`nin məlumatına görə, birinə qarşı şərtsiz sevgi bəsləmək bədəndə insanın özünü xoşbəxt hiss etməsini təmin edən ifrazatı artırırmış.
Kanadada olan Montreal Universitetində edilən bir araşdırmaya görə, şərtsiz sevgi, beyindəki 7 ayrı bölgənin bir-biriylə qarlılıqlı təsir qurmasıyla reallaşır.

Sevdiyi insanı heç bir qarşılıq gözləmədən, heç bir şərt qarşıya qoymadan sevən kəslərin beyin fəaliyyətini araşdıran elm adamları, bu kəslərin beynində 7 fərqli bölgənin aktiv hala gəldiyini təyin etdi.

Araşdırma üçün öyrənmə çətinliyi yaşayan kəslərə baxan və aşağı maaş alan assistentləri seçən Prof. Mario Beauregard, MRI yoluyla bu kəslərin beyin fəaliyyətlərini qeyd etdi. Aktiv hala gələn beyindəki 7 bölgədən yalnız 3ünün romantik münasibətin hərəkətə keçirdiyi bölgələrlə uyğunlaşdığı, geri qalan bölgələrin isə fərqli bir sevgiyə işarə etdiyi təyin olundu.

Araşdırmada, birinə qarşı şərtsiz sevgi bəsləyən kəslərdə xoşbəxtliyi artıran dopamin ifrazatının da çoxaldığı ortaya çıxdı. Prof. Beauregard, şərtsiz sevginin güclü romantik bağlar qurulmasını asanlaşdırdığını və bu qüvvətli əlaqələrin insanlığın davamına kömək edə biləcəyini qeyd etdi.

Yazdı: Səbinə (xüsusi   www.Xazar.name     üçün)