Film Birinci Dünya Müharibəsi zamanı təcrid olunmuş protestant alman kəndində baş verən hadisələrə həsr olunub.

Görkəmli Avstriya rejissoru Mixael Hanekenin “Ağ lent” filmi “Qızıl palma budağı”na sahib çıxaraq 62-ci Kann kinofestivalının qalibi olub. Bu, Kann festivalında altıncı dəfə iştirak edən Hanekenin ilk yüksək mükafatıdır.
Ağ qara fonda çəkilmiş film Birinci Dünya Müharibəsi zamanı təcrid olunmuş şimali alman protestant kəndində baş verən hadisələrə həsr olunub.
“Mən bu filmi totalitar cəmiyyətlərin, faşizm, fanatizm və beynəlxalq terrorizmin yaranması səbəblərini düşünərkən 10 il bundan əvvəl fikirləşmişdim”, deyə Mixael Haneke bildirib. Filmin adı isə Almaniyanın bir çox rayonlarında yeniyetmələrin xristian davranış adətlərinə riayət etmələrinin əlaməti olaraq qollarına ağ lent bağlamaları ilə bağlıdır.
Fransız rejissor Ka Odyarın “Peyğəmbər” filmi isə 62-ci Kann festivalının Qran-Pri mükafatına layiq görülüb. Bu isə festivalın ikinci mükafatı sayılır. Festivalın xüsusi mükafatı isə fransız rejissoru 86 yaşlı Alen Reneyə “Alaq” filminə görə verilib.
62-ci Kann kinofestivalının ən yaxşı qadın və kişi rollarını fransalı aktrisa Şarlotta Qenzbur və avstriyalı Kristof Valts qazanıblar. Qenzbir Lara Fon Trierin Kann festivalında “Antimükafat”a layiq görülən “Antixrist” filmində baş rolu oynayıb. Valts isə Kventin Tarantinonun “ Şərəfsiz yaramazlar” filmində faşist zabiti rolunu oynayıb.
Festivalda münsiflər heyətinin mükatlarını britaniyalı Andreal Arnoldun lentə aldığı “Akvarium” və koreyalı rejissor Park Açn-Vukun çəkdiyi “Sussuzluq” filmləri qazanıb.
Ən yaxşı ssenariyə görə mükafata Çin rejissoru Lu Enin çəkdiyi “Yaz hərarəti”, qısametrajlı film müsabiqəsində mükafata portuqaliyalı rejissor Joao Salavizanın “Arena”, “Qızıl kamera” müsabiqəsində mükafata avstraliyalı Uorvik Torntonun “Samson və Delilah” filmi, ən yaxşı quruluşa görə mükafata isə filippinli Briyante Mendosun “Kinatay” filmi layiq görülüb.