MÜĞƏNNİNİN KLİPİ MİLLİ FİLMLƏRDƏN BİRİNİN ÜZƏRİNDƏ QURULACAQ.
MÜĞƏNNİ Lalə Məmmədova yeni klip çəkilişlərinə başlayıb. Sözləri Xanım İsmayılqızına, musiqisi Aygün Səmədzadəyə məxsus olan mahnı "Ömrümüzün ilk sevgisi" adlanır. Sözügedən mahnıya rejissor Nail Naiboğlu ekran həyatı verəcək. Bu barədə məlumat verən Lalə xanımın sözlərinə görə, klip məşhur filmlərdən birinin üzərində qurulacaq. Müğənni həmin filmin adının açıqlanmasının hələ ki, tez olduğunu deyərək belə bir ideyanı milli kinomuza olan marağı ilə izah etdi. Qeyd edək ki, ekran işi saf sevgi üzərində qurulub. Rejissorun işinə müdaxilə etməyən Lalə xanım mövqeyini sonda bildirəcəyini deyir. Klipin rejissoru isə hesab edir ki, onun əməyinin məhsulu milli klip bazarında birincilərdən olacaq.