Subaylığın daşını atmaq qərarına gələn Ayaz Qasımov, nişanlanıb.
Deyilənə görə, Ayaz Qasımovun keçmiş sevgilisi onun evlənmə xəbərini eşidən zaman, müğənniyə hədə-qorxu gəlməyə başlayıb. Telefon zəngləri ilə Ayazı dəng edən qız, müğənnini onu istifadə edib atmaqda günahlandırıb. Ayazla birgə çəkdirdiyi şəkilləri yerli jurnallarda və internet səhifələrində yerləşdirən qız, verdiyi müsahibədə müğənnini əməlli-başlı şərləyib. Bunun doğru və ya yalan olduğunu müəyyənləşdirmək üçün Ayazla əlaqə yaradılıb. Öz şəxsi həyatı haqqında danışmağı sevməyən müğənni, hər hansı bir məlumat verməkdən imtina edib. Bircə, keçmiş sevgilisi ilə bütün münasibətləri yoluna qoyduğunu qeyd edən Ayaz Qasımov, bu mövzuya bir daha qayıtmaq istəmədiyini deyib.