MÜĞƏNNİ LAYİHƏNİ YENİ MÖVSÜMDƏ TƏQDİM EDƏCƏK
MÜĞƏNNİ Elnur növbəti klipinin çəkilişlərinə hazırlaşır. Bu barədə müğənninin prodüseri məlumat verib. Turalın bildirdiyinə görə, çəkilişlər bu ayın sonundan etibarən başlayacaq. Rejissor seçiminə gəlincə isə, müğənninin qərar verməkdə çətinlik çəkdiyini deyən prodüser güman edir ki, klipi müğənni professional rejissora həvalə edəcək. Qeyd edək ki, artıq klipin çəkiləcəyi məkan seçilib. Belə ki, klip Maldiv adalarında çəkiləcək. Elnurun digər layihəsi, "Sarı gəlin"lə bağlı məlumat verən Tural qeyd etdi ki, onun tərkibinə daxil olan iki mahnı artıq hazırdır. Təqdimat isə yeni mövsümdə ediləcək.