Filmi qotik üslubda çəkmək planlaşdırılır.

Hollivud aktyoru Leonardo Di Kaprio, fransız yazıçısı Şarl Perronun “Qırmızı papaq” nağılı əsasında film çəkməyi planlaşdırır. Verilən məlumata görə, film qotik üslubda olacaq. Aktyorun rəhbərlik etdiyi “Appian Way” prodüser kompaniyası filmin ssenarisini vaxtilə “Yaşıl mil” filmi üzərində işləyən Devid Lesliyə sifariş edib. Lakin nağıldan fərqli olaraq filmdə sonda baş qəhrəman ölür. Leonardo özü də bu filmdə çəkilmək niyyətindədir. Ehtimal olunur ki, canavar rolunu filmdə elə məhz aktyorun özü oynayacaq.